أول تاج

التاج دا من هبة

"مدونة كراكيب الكلام"

Post 10 random things about yourself

هاحاول اختار اكتر 10 حاجات مهمين عني..

1-مسلمة , مصرية , في طريقي اني اكون طبيبة "ادعولي" .

2-مترددة جدا جدا وبحب افكر كتيييير قبل ما اخد اي قرار وساعات مش باعرف اخد قرارت لما تكون مهمة.

3-ما بحبش اشوف حد زعلان او مهموم بحس ان انا اللي مهمومة , وبافرح اوي لما بكون سبب في اسعاد حد من جوايا بكون مبسوطة اوي وحاسة براحة نفسية.

4-ملولة بدرجة كبيرة وبزهق جدا من الروتين او اي شيء علي نفس الوتيرة , وبحب المفاجات جدا.

5-كتومة وما بحبش اتكلم كتير عن نفسي , يمكن التاج دا اكتر حاجة اتكلمت فيها عني :) وعلشان كدة اصدقائي قليلين وغالبا هم اللي بيبدأوا التعارف , احيانا كتيرة بأُتهم بالسلبية وعدم الاهتمام "باردة يعني" بس دا سببه الرئيسي اني كتومة يعني ممكن اكون مكتئبة جدا داخلياً بس ما ابينش.

6-اعشق الهدوء والبساطة والتفاؤل والابتسامة و الاحترام وبكره العصبية و الدوشة والزحمة والثرثرة والفساد والكابة والمشاكل سواء كانت شخصية او عامة..

7-باحب الرُقي في كل حاجة , يعني احب التفكير الراقي والسلوك الراقي والفن الراقي باختصار بحب الحياة الراقية وامنية حياتي اشوف مصر بلد راقية وشعبها شعب راقي يعامل معاملة راقية وبيتصرف تصرفات راقية

8-الفن بيبهرني يعني بحب الموسيقي جدا , الرسم بالزيت , التصوير , الشعر والادب بصفة عامة , الديكور, اي حاجة فيها فن باحبها.

9-بحب الطبيعة والتامل, انا عاشقة للطبيعة بكل جمالها , البحر بالوانه الروعة وامواجه الهادية او المجنونة , الاشجار والورود باشكالها الجميلة , بحب السما بنجومها اللي بتلمع , بحب المطر اوي بريحته وبرودة الجو معاه , الطبيعه جميلة.

10-اخر حاجة.. بحب اكون قريبة من الناس ومن افكارهم رغم اني مش اجتماعية , ويمكن دا كان اسهل علي النت وعالم التدوين يعني قدرت اعرف ناس كتير عن طريق كتاباتهم.

2- Choose 5 people to tag and a reason you chose each person

فيه ناس كتير كنت عايزة اختارهم بس لقيتهم جاوبوا قبل كدة علي التاج فهاختار :

شهرزاد : هي صديقتي واختي و زميلة كفاح في الكلية :)

الملكة: بحب مدونتها جدا اقصد مملكتها :)

wanna b a physician :""طبيب بلا سماعة" ما جاوبش علي التاج قبل كدة , ونفسي اعرف السماعة راحت فين؟!

dr_modymodak : من اصحاب المدونات والموضوعات المهمة , صاحب مدونة جميلة

علاء سالم: شاعر متميز وانسان موهوب بحق

3- Leave them each a comment directing them to your blog so they know they are it

علم وتم التنفيذ

You can’t tag the person who tagged you (you’ll have to make new friends)

As a courtesy to the person who tagged you, please let them know when you have posted so they can have the sheer delight and extra work load of reading your answers)

شكرا لهبة علي التاج ويا رب اكون قدرت اجاوب عليه كويس , دا اول تاج اجاوبه علي المدونة..